Katuranggani wanita kang becik wawatak'ane

1. Sirah'e bunder, rai uga bunder kaya rembulan purnama (tanggal 14) bathuk'e rata (ora nonong)
2. Mripat kepara amba dhawa sembada lan mawa cahya kinclong-kinclong, yen ndeleng tajem arang kedhepe, lan ora tau ndeleng sarana nglirik.
3. Alis'e dhawa kepara lempeng, wulune ora pathing besasik.
4. Irung dhawa kapara ambangir, garis sakiwa tengen'e irung kathon cetho.
5. Cangkem sedheng, lambe damis mingkem, untune ora katon, sarta rupane untu ngilap putih lan tumata kaya isi timun kapara gedhe sathitik. Dasar'e lambe rupane menger-menger abang nom.
6. Kupinge kandhel becik wangune.
7. Janggute wangune becik lan sangisoring janggut daging'e kandhel.
8. Pipi'ne rata ora mendhungkul (gembil).
9. Dariji tangan'e mucuk eri, nanging rada kaku lan kukune kandel. epek-epek'e kandhel alus lemes, suwalik'e (kurebe) kang ana rajah'e (garis tangan) katon luwih alus yen didemek lumer kaya sutra.
10. Dalamakan sikil e wangune becik, mangkono uga darijine, sarta uga sarwa kandhel alus, lan drijine mau uga radha kaku lan kukune kandhel.
11. Dhadha amba ing mburi daging'e rada kandhel.
12. Babalung lan pakulitaning awak alus lemes, nanging kengkeng (singset).
13. Yen omong alus patitis wijang-wijang prasaja, ora gelem ngrasani wong, swarane alus terang.
14. Yen gumuyu sajak'e antheng ora ngobahake badan.
15. Yen lungguh sikil'e tumata lurus (yen sila mlepes ora medongkrong), antheng badane ora obah, tangane ora sraweyan.
16. Yen lumaku lempeng sarwa tumata, ora katon kesusu, lembehane cangklakane rapet, dadi obahing tangan mung sathithik, badane uga ora obah lan ora nolah-noleh, mripat mung tumuju marang ngarep ing prenah parane.

Wong wadon kasebut ing nduwur watak'e becik banget, setya ing laki, ora bisa ketaman godha, mung madhep sawiji marang lakine, ora gelem laki pindho.
begja banget wong lanang kang nduweni bojo wong wadon kaya kasebut ing nduwur.

Tweet

Tomy Gunawan

Saya Tomy Gunawan, dari gondangrejo karanganyar, seorang ayah dari 1 anak yang penah bekerja dalam bidang produksi manufactur fabrication pada sebuah perusahaan swasta selama 2 tahun. pernah juga bekerja sebagai management file pada sebuah perusahan textil terbesar dikota saya selam 1 tahun 5 bulan. dan sekarang saya mencoba dan belajar sebuah karya di dalam bidang IT.

Postingan terkait:

• sex wanita menurut primbon-Tandha Rasaning Wanita
• ciri fisik wanita tidak cocok untuk di peristri-wong wadon kurang becik
• ciri wanita pembawa rejeki-wong wadon akeh rejeki
• Katuranggani wanita kang becik wawatak'ane
• watak wanita miturut lahir e

Ditulis Tomy Gunawan — Saturday, November 12, 2016 — Add Comment — Bab wanita