Rencanane Bayi Yen Lagi puput Puser

Kajaba rencanane bayi ing sawengi ing tekane 4 bengi kaya
kasebut ing Rencanane Bayi lahir

Yen mbeneri puput puser iku luwih gedhe maneh rencanane ,kasebut sarapsawan

                Sarapsawan iku lelembut , sadulure
sijabangbayi dhewe yen ora disumurupi banjur ngganggu gawe .

Dene sadulure si bayi yaiku :

1	Kutilapas kethek	Kedadeyan saka bungkus
2	Celeng demalung	Kedadeyan saka kawah
3	Asu ajag	Kedadeyan saka ari ari
4	Kalasrenggi (bantheng )	Kedadeyan saka gethih
5	Kalamurti ( kebo )	Kedadeyan saka kelem
6	Kalarandhing ( menjangan )	Kedadeyan saka ilu
7	Kalawelakas ( kidang )	Kedadeyan saka kunir landhesane pangethoking ari ari
8	Tikus jinada	Coplokane ari ari
9	Taliwangke	Ususing ari ari

Para sadulur-sadulur e sijabang bayi mau kajaba disumurupi kaya kasebut ing Rencnane bayi lahir lan uga di lela-lela sarana kekidungan , mangkene kikidungane:

DHANDANGGULA

1.    Ana kidung akadang premati , among tueuh ing kawastaniraa , nganakaken saciptane ,
kakang kawah puniku , kang rumeksa ing awak mami , anakaken sedya , pun
kuwasanipun , adhi ari-ari ika , kang mayungi inh laku kuwasaneki ,ngenakaken
pengarah.

2.    Ponang getih ing rahina wengi , angrowangi allah kan kuasa , andadekaken karsane ,
puser kuwasananipun ,nguyu-nguyu sembawa mami nuruto ing panedha , kuwasanireku, jangkep kadangingsun papat  , kalimane pancer wus sawiji , nunggal sawujud ingwang.

3.   Yeku kadangingsun kang umijil , saking margaina sareng samya , sadino awor anggone , sekawan kadang ingsun , ingkang ora umijil saking , margaina punika kumpule lan
ingsun , dadio makdumsarpin sira , wawayangan ing dat reke dadiya kanthi ,
saparan dathan pisah.

4.    Yen angidung poma den memetri , mumulea sega golong lima , takir ponthang
wawadhahane iwak-iwakipun iwak tasrik rawa lan kali , sarta iwak bengawan ,
mawa gentalipun , rong supit winungkus samya apan dadiya sawungkus artha
saduwit , sawungkuse punika.

5.    Tumpangkena ing ponthangnya sami, dadyo limang wungkus ponthang liama , sinung sekar
cepakane , loro saponthangipun , kembang boreh dupa ywa lali , memetri ujubira, donganira mahmud , poma dipun lakonano , saben dina nuju kalahiran neki ,agung sawabe ika.

6.    Balik lamun nora den lakoni , kadangira pan padha ngrencana , temah udrasa ciptane ,
sesedyanira wurung , lawan luput pangarahneki , sakarepnira wigar , gagar datan
anthuk , saking kurang temenira , madhep laku iku den eling , samya den kawruhana. 

Tweet

Tomy Gunawan

Saya Tomy Gunawan, dari gondangrejo karanganyar, seorang ayah dari 1 anak yang penah bekerja dalam bidang produksi manufactur fabrication pada sebuah perusahaan swasta selama 2 tahun. pernah juga bekerja sebagai management file pada sebuah perusahan textil terbesar dikota saya selam 1 tahun 5 bulan. dan sekarang saya mencoba dan belajar sebuah karya di dalam bidang IT.

Postingan terkait:

Ditulis Tomy Gunawan — Sunday, October 23, 2016 — Add Comment — Bab Bayi