search

Yen Bayi Sumeng

                Yen bayi sumeng rama lan ibune padha ndilatana mbunmbunane, 
epek-epek’e karo pisan, lan dlamakane uga karo pisan ,

Anggone ndilati wiwit saka kiwa . dene yen rewel kerep nangis , 
banjur ngidunga kaya ing ngisor iki:

Kinanthi

1.     Yen nangis lara puniku , lela-lelanen anuli , supaya doh kang lalara , sarap saawane alari , tan wani anyedhakana , saking rokhmate hyang widi

2.    Winaca puji iku , setan lumayu nggendring , sarap sawane anyimpang , panca baya pan
sumingkir , kala-kalane akesah , datan wani amarani.

3.     Pitik tulak pitik tukung , tetulake jabang bayi , situlak tunggu neng marga ,
situkung mangungkung ngarsi , cacing recek samya ilang , kruma kremi padha mati.

4.    Ana kinjeng tangids mabur , amencok ing selo hardi , mireng tangise ki jabang ,
arsa njuwuk anjampeni , jabang bayi wis menenga , wis turun aywa nangis.

5.    Sapa manglong-manglong iku , apa sira maling sekti  , ing lor kidul kulon wetan ,
den kongkon aguna maling , amburu si asu ajag , di poma den kongsi mati.

6.     Maling aguna sireku , kalawan sijabang kikik , miwah si aji palampang , reksanen si
jabang bayi mburu jinadha janthala , lawan si gumarang sapi.

7.    Miwah si celeng demalung , tundhungen dimen angalih , yen wus nora katinggalan , sira
balio den aglis , reksanen ingkang santoso , anak ingsun jabang bayi.

8.    Sawengi aja ana turu , dimen adoh kang bilahi , sumingkir ingkang lalara , tan ana wani
nyedhak i , mulio aywa nggegawa , sijabang amales becik.



Postingan terkait:

1 Tanggapan untuk "Yen Bayi Sumeng"

Mohon Berkomentar dengan bahasa bebas sensor

Mengenai Saya

My photo
Kab. Karanganyar, Jawa Tengah, Indonesia

Formulir Kontak

Name

Email *

Message *